Փետրվար ամիսը շատ արագ անցավ, չնկատեցինք էլ, թե ինչքան հավես նախագծեր ենք իրականացրել՝
Էլ Դդմածես, էլ Տրնդեզ, Էլ Բարեկենդան, Թումանյանական օրեր: խաղալով ծանոթանում ենք ծեսերին, ազգային խաղերին, երգերին, պարերին և Հ.Թումանյանի հեքիաթներին և ոտանավորներին:
Զրուցեցինք դդմի օգտակարության մասին,հետո դդումը կտրեցինք,համտեսեսինք ու սկսեցինք խոշորացույցով դիտարկել: Աստղիկը ասաց, որ դդումը գազարի նման է, և ինքը դդում չի սիրում: Սկզբում հրաժարվեց ուտելուց, հետո հենց դդումը մաքրեց, առանձնացրեց սերմերը, խոշորացույցով հետազոտեց դդմի կուտը, ու ընկերների հետ սկսեցին զվարճանալ: Ալեքը բացահայտեց,որ կուտը մեծանում է, բայց եթե ուզի, կարող է փոքրացնել` ֆոկուզ է: Հետո դդումներն առանց կտրելու սկսեցին խոշորացույցով դիտարկել:
— Վա~յ, դդումն էս ինչքա~ն է չաղանում, -ասաց Ալեքը: Խաղաղ, ընկերասեր զրույց-խաղի շնորհիվ դդում չսիրող սաները գոնե մեկ կտոր կերան:
Մարզական խաղերը խաղում ենք դդումներով: Ո՞վ է ասել, որ դդումը միայն ուտելու համար է: Դդում գլորոցի, թռնոցի, զվարճալի խաղեր: Հավես, ուրախ մարմնամարզություն:
Արևմուտքի նախակրթարանի սաներով , ծնողներով և երկրորդ դասարանցիների հետ նշեցինք Տերնդեզ ծեսը: Ամենածիսական ուրախ երգ ու պարով,օրհնանքներով,վատ բաները չիք անելով,խինդ ու ծիծաղով խաղացինք ու լավ թռանք կրակի վրայով:Սեր և համերաշխություն,ծեսերի ծանոթացում:
Հ.Թումանյանի օրերին ընդառաջ Արևմտյան դպրոց-պարտեզի 5-րդ դասարանի սովորողները բեմադրել էին Հ.Թումանյանի«Պոչատ աղվեսը»հեքիաթը:Արմինե Աբրահամյանի առաջարկով եկան պարտեզ և բեմադրեցին հեքիաթը:2-4 տարեկանները սիրով դիտեցին թատրոնը:
Բարեկենդան ծեսին ընդառաջ մինչև դիմակներ պատրաստելը, որոշեցինք, որ յուրաքանչյուր սան իրեն նկարի: Ալեքն ասաց, որ իրեն մեծ է նկարել, իսկ Նարեկն ասաց, որ իր նկարում ինքը բոլորին աչքով է անում: Աստղիկն էլ ասաց.
-Ես կլոր շրջան եմ նկարել, մեջը իմ գլուխն է:
Էլենն իր նկարած նկարի անունը ժպտացող էլեն դրեց: Տարատարիք խմբում նկարելու թեման առաջարկողը սաներն են, բայց հետո արդյո՞ք թեմայի շուրջ կնկարե՞ն, թե՞ ոչ , արդեն հետաքրքիր է: «Իմ դիմանկարը», պատմում են 2-4 տարեկանները:Իմ դիմանկարը
Բարեկենդանի ծեսին ընդառաջ խաղում ենք ծիսական խաղեր, ճվիկներ:Բանավոր խոսքի, հիշողության զարգացում, ուշադրության կենտրոնացում:
Ձնառատ օր, ի~նչ լավ է, ձյուն է գալիս: Ուռա~, վերջապես սահնակ կքշենք: Ձմեռային պարտեզի հրճվանք: Սահնակ, ձնագնդի, խինդ ու ծիծաղ:
Դաստիարակի օրագիր(Մա´մ, բա ու՞ր է Նոր տարին, դուռը բացիր` դիմավորենք)