- Հեղինակային կրթական ծրագրերի ամենամյա մայիսյան հավաք
- Մայիսյան 17-րդ հավաք
- Մայիսյան հավաքի ուղղություններ
Մայիսյան հավաքի աշխատակարգ
- Օր նախակրթարանում
- Դռներ բացեք, գարուն է: Էստի համեցեք և մասնակցեք մեր խաղերին և գործունեությանը: Եկեք միասն մարզվենք, հեծանիվ, ինքնագլոր քշենք, ծառ տնկենք, խնամենք մեր միջավայրը: Ստեղծենք և տարածենք;
- Ծնողական մարզատոն
- Երբ ընտանեկան խոհանոցը մտնում է պարտեզ
- Ծառատունկ
- Փրփուրե ուրախություն
- Համբարձման ծես
Գարնան վերջին ամիսը մեկնարկեց Մայիսյան 17-րդ հավաքի հետաքրքիր և տարբերվող նախագծերով: Ծնողական համայնքի հետ տարբեր գործունեություն իրականացրինք:Նկատում ենք սեպտեմբերից հաճախած մեծացած սաների ինքնուրույնությունը, ազատ խոսքը ընկերասիրություն,մեկը մյուսին զիճելու կարողությունը:
Ա՜յ, քեզ շաբաթ.02.05.2022-06.05.2022
Ա՜յ, քեզ շաբաթ.10.05.2022-13.05.2022
Ա՜յ, քեզ շաբաթ.16.05.2022-20.05.2022
Ա՜յ, քեզ շաբաթ.23.05.2022-27.05.2022
Մասնակցել եմ կլոր սեղանին, որ վարում էր Մարիետ Սիմոնյանը: Նախադպրոցական կրթություն: Մանկավարժական դիտարկումներ: Քոլեջի 2-3-րդ կուրսի ուսանողներ, նախակրթարանի դաստիարակներ
Հետաքրքիր էր լսել ուսանողների վերլուծությունները, բայց ինձ շոտ դուր եկավ տիկին Մարիետի հարցը
-Կարո՞ղ են 2-5 տարեկանները կազմել:
Նախագիծ բառը սաներն անգամ չեն ընկալում, բայց երբ առավոտյան խումբ եմ մտնում, հարցնում եմ, թե այդ օրն ինչ են ուզում անել.
-Ինքնագլոր քշենք:
Կամ վազելով գալիս են.
-Այսօր Ագարակ գնալո՞ւ ենք:
2-4 տարեկաններն ամեն օր ուրախ մտնում են խումբ և պատմում են իրենց առօրյայից: Կարծում եմ, որ դաստիարակի դիտարկման շնորհիվ և 2-4 տարեկանների առաջարկներով կարող են հավես նախագծեր գրվեն: Մի օր 3,5 տարեկան Վահանն ասաց, որ ինքը հայրիկի հետ տան նախագիծ է նկարել: Մայրիկն էլ պատմեց, որ Վահանը հայրիկին հարցրել է.
-Պապ, նախագի՞ծ ես գրում:
-Տանը զարմացած ժպտում էինք,-ասաց մայրը:
Հետաքրքիրն այն է, որ նախորդ օրը, քնի ժամին Վահանը լսել էր , թե ինչպես էինք ես ու Արևը նախագիծ մշակում: Զրուցել ենք նախագծերի մասին և շատ ենք ասել, որ հավես նախագիծ կլինի կամ այս նախագիծը իրականացնելու համար մեզ ինչեր են անհրաժեշտ : Այո, մեկընդմիշտ պետք է հիշել, որ երեխաների ներկայությամբ շատ զգույշ պետք է խոսել: Լինի տանը, թե պարտեզում երեխաներն ամեն ինչ վերցնում են:
Ծնողական համայնքի հետ ցանկացած գործունեություն կազմակերպելու օրը պետք է լինի ոչ աշխատանքային։Ցանկալի է շաբաթ կամ կիրակի։Աշխատանքային օրերին ոչ բոլոր ծնողներն են կարողանում գալ և մասնակցել իրենց երեխաների հետ որևէ գործունեության։ Հաճախ շատ երեխանները լաց են լինում, որ ծնողները գնում են։Չհաճախող ծնողներն էլ ասում են որ երեխաները նեղվել են։
Ցանկալի է 2024թ-ին պարտեզում ճամփորդություններ կազմակերպել։
Ծնողների հետ նաև մասնակցել եմ պարի սեմինար-պարապմունքին: Ալենի և Վահանի մայրիկները շատ են սիրում երգել և պարել: Ալենի մայրիկը ՝ Էլինան երգչուհի է, իսկ Վահանի մայրիկը՝ պարուհի: Ծնողները պատրաստվում են մայիսի 27-ի հավաքին:
Մասնակցել եմ լուսնկարչական սեմինարին, որը վարում էր Սուսան Ամիրջանյանը: Հետաքրքիր դիտակումներ քննարկեցինք: Օգտակար էր: